Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 31-1} kaṭum puṉal kāl paṭṭu kaluḻ tēṟi kaviṉ peṟa
• {KALI 31-2} neṭum kayattu ayal ayal ayir tōṉṟa a maṇal
• {KALI 31-3} vaṭuttu ūra varippa pōl īṅkai vāṭu utirpu uka
• {KALI 31-4} pirintavar nutal pōla pīr vīya kātalar
• {KALI 31-5} puṇarntavar mukam pōla poykai pū putitu īṉa
• {KALI 31-6} mey kūrnta paṉiyoṭu mēl niṉṟa vāṭaiyāl
• {KALI 31-7} kaiyāṟu kaṭaikkūṭṭa kalakkuṟūum poḻutu maṉ
• {KALI 31-8} poyyēm eṉṟu āy iḻāy puṇarntavar uraittatu ai
• {KALI 31-9} mayaṅku amar māṟu aṭṭu maṇ vauvi varupavar
• {KALI 31-10} tayaṅkiya kaḷiṟṟiṉ mēl takai kāṇa viṭuvatu ō
• {KALI 31-11} payam keḻu pal katir pāl pōlum poḻutoṭu
• {KALI 31-12} vayaṅku iḻai taṇṇeṉa vanta i acai vāṭai
• {KALI 31-13} tāḷ valampaṭa veṉṟu takai nal mā mēl koṇṭu
• {KALI 31-14} vāḷ veṉṟu varupavar vaṉappu āra viṭuvatu ō
• {KALI 31-15} nīḷ kaḻai nivanta pū niṟam vāṭa tūṟṟupu
• {KALI 31-16} tōḷ atirpu akam cēra tuvaṟṟum i cil maḻai
• {KALI 31-17} pakai veṉṟu tiṟai koṇṭa pāy tiṇ tēr micaiyavar
• {KALI 31-18} vakai koṇṭa cemmal nām vaṉappu āra viṭuvatu ō
• {KALI 31-19} pukai eṉa putal cūḻntu pū am kaḷ poti ceyyā
• {KALI 31-20} mukai veḷ pal nuti pora muṟṟiya kaṭum paṉi
• {KALI 31-21} eṉa āṅku
• {KALI 31-22} vāḷāti vayaṅku iḻāy varuntuvaḷ ivaḷ eṉa
• {KALI 31-23} nāḷ varai niṟuttu tām colliya poy aṉṟi
• {KALI 31-24} mīḷi vēl tāṉaiyar pukutantār
• {KALI 31-25} nīḷ uyar kūṭal neṭum koṭi eḻa ē